Марон пустынник молитва

Новая статья: марон пустынник молитва на сайте святая-молитва.рф - во всех подробностях и деталях из множества источников, что удалось нам найти.

Марон пустынник молитва

О, возлюбленная и священная главо, преподобне и Богоносне отче наш Мароне!

Назирай свыше милостивно нас грешных, и молися Всещедрому Владыце и всех благ Подателю Богу о соблюдении державы нашея, и да сохранит ее от всех врагов цело и неврежденно, во Господе нашем Иисусе Христе.

Буди же молебник и о нас недостойных. Ко Всеблагому Господу честнеи твои руце простри, и от Него милость и щедроты испроси, имиже от всех бед и лютых болезней нас сохрани, и от всяких страстей свободи, такожде от нестерпимыя и неутишимыя огневицы и трясавицы молитвами твоими избави нас и от нападения бесов; от видимых и невидимых врагов соблюди, и согрешениям нашим прощение испроси, и спасены Христу нас представи, во еже в день страшнаго суда, с радостию предстати нам пред лицем неизреченныя славы Его, и милостивное призвание в Царство Небесное от Него услышати, и в неизреченной радости преславную Его лица доброту узрети, благодатию и человеколюбием Господа Бога и Спаса нашего Иисуса Христа: яко держава Его благословена и препрославлена, со Безначальным Его Отцем и с Пресвятым и Благим и Животворящим Его Духом, ныне и присно и во веки веков. Аминь.

Яко незаходимое солнце возсия нам днесь светозарными твоими молитвами, преподобне отче наш Мароне, иже некия горы достигл, и тамо на ней живущими нечестивыми чтом бысть, за превозходящую твою к Богу добродетель, и тамо обрет требище идольское, Богу освятив, в нем пребывал еси; и видев Человеколюбец Бог твой подвиг и труды, дарова тебе дар Свой, имже пронесеся имя твое в человецех, целити скорби, огневицу и трясавицу прибегающим к тебе с верою. Темже и зовем: радуйся, целителю наш скорый, радуйся, заступниче наш теплый; предстоиши бо у Пресвятыя Троицы, молися Той о призывающих имя твое святое, да избавимся от сих тяжких скорбей и спасет души наши.

Фарисейскаго тщеславия удаляяся, преподобне отче наш Мароне, на гору высокую возшел еси, и тамо победу показал еси на диавола: требище бо бесовское обрет и Богу освятив, в нем пребыл еси, молитвами твоими огневицу и трясавицу утоляя, и бесы прогоняя, и от различных недуг свобождая. Того ради, святе, молися Христу Богу, да спасет души наша.

Страстей пещь, преподобне, угасил еси, воздержания росою. Дарованием обогатился еси исцелений от Бога, Мароне, приял еси целити верным болезни тяжкия, и бесов отгонити полки. Сего ради с веселием почитаем тя.

МАРОН СИРИЙСКИЙ

Преподобный Марон избрал для себя подвиг безпокровного жития. Поставив себе эту цель, он взошёл на одну гору, которую чтили язычники (она находилась недалеко от города Кирра в Сирии, в двух днях пути от Антиохии), нашёл там оставленный язычниками храм, посвятил его истинному Богу и поселился при нём. Почти всё время он проводил под открытым небом – в молитве, бдении, трудах и строгом посте. Хотя через некоторое время он построил для себя небольшой шалаш, но пользовался им редко, уступая его приходившим к нему больным. За свою богоугодную жизнь Марон сподобился от Бога дара исцелений: силою своей молитвы он исцелял разные болезни и изгонял бесов. Обращавшимся к нему за назиданием преподобный советовал быть воздержанными, заботиться о своём спасении, опасаться любостяжания и гневливости. Святой Марон основал также много обителей и подвигами поста наставил многих иноков, угодивших Богу. Среди них – преподобные Иаков Отшельник, Лимний и Домнина. Перенеся множество различных недугов, после кратковременной болезни святой оставил эту жизнь и с миром отошел ко Господу в около 433 года [1]

В старых русских книгах память озаглавлена: “Преподо́бнаго Ма́рона, пусты́нника Сири́йскаго, и́же избавля́ет от огневи́цы и тряса́вицы” [2].

Молитвословия

Ин тропарь, глас 4

Пресве́тлое житие́ твое́, о́тче Ма́роне,/ А́нгелы удиви́ло е́сть,/ и бесо́вская шата́ния я́ве устраши́./ Ве́рных же собран’ия све́тло украси́,/ к Небе́сному Христо́ву жили́щу, повелева́я ше́ствовати всегда́./ Его́же моли́ от тли́ и бе́д изба́вится,// ве́рою творя́щим всечестну́ю па́мять твою́.

Ин тропарь, глас 2

Фарисе́йскаго тщесла́вия удаля́яся,/ преподо́бне о́тче на́ш Ма́роне,/ на го́ру высо́кую возше́л еси́,/ и та́мо побе́ду показа́л еси́ на диа́вола:/ тре́бище бо бесо́вское обре́т и Бо́гу освя́тив,/ в не́м пребы́л еси́,/ моли́твами твои́ми огневи́цу и тряса́вицу утоля́я,/ и бе́сы прогоня́я,/ и от разли́чных неду́г свобожда́я./ Того́ ра́ди, свя́те, моли́ся Христу́ Бо́гу,// да спасе́т ду́ши на́ша.

Страсте́й пе́щь, преподо́бне, угаси́л еси́, воздержа́ния росо́ю./ Дарова́нием обогати́лся еси́ исцеле́ний от Бо́га, Ма́роне,/ прия́л еси́ цели́ти ве́рным боле́зни тя́жкия,/ и бесо́в отгони́ти полки́.// Сего ‘ра́ди с весе́лием почита́ем тя.

О, возлю́бленная и свяще́нная главо́, преподо́бне и Богоно́сне о́тче на́ш Ма́роне! Назира́й свы́ше ми́лостивно на́с гре́шных, и моли́ся Всеще́дрому Влады́це и все́х бла́г Пода́телю Бо́гу о соблюде́нии держа́вы на́шея, и да сохрани́т ея́ от все́х враго́в це́ло и неврежде́нно, во Го́споде на́шем Иису́се Христе́. Бу́ди же моле́бник и о на́с недосто́йных. К стра́шному Го́споду Савао́фу честне́и свои́ ру́це в ча́с се́й простри́, и от Него́ ми́лость и щедро́ты испроси́, и приими́ ны́ во свое́ хода́тайство и заступле́ние, от все́х бе́д и лю́тых боле́зней на́с сохрани́, и от вся́ких страсте́й свободи́, та́кожде от нестерпим’ыя и неутиши́мыя огневи́цы и тряса́вицы моли́твами твои́ми изба́ви на́с, и от нападе́ния бесо́в: от ви́димых и неви́димых враго́в соблюди́, и согреше́ниям на́шим проще́ние испроси́, и спасе́ны Христу́ предста́ви, ны́, во еж’е в де́нь Стра́шнаго Суда́, с ра́достию предста́ти на́м пред лице́м неизрече́нныя сла́вы Его́ сподо́би, и ми́лостивное призва́ние в Ца́рство Небе́сное от Него́ услы́шати, и в неизрече́нной ра́дости пресла́вную Его́ лица́ добро́ту узре́ти, благода́тию и человеколю́бием Го́спода Бог’а и Спа́са на́шего Иису́са Христа́: я́ко держа́ва Его́ благослове́на и препросла́влена, со Безнача́льным Его́ Отце́м и с Пресвяты́м и Благи́м и Животворя́щим Его́ Ду́хом, ны́не и при́сно и во ве́ки веко́в. Ами́нь.

Использованные материалы

[1] Свт. Димитрий Ростовский указал дату как конец IV века, однако существует письмо святого Иоанна Златоуста к преподобному Марону, датируемое приблизительно 405 годом. Большинство источников указывают 433 год как приблизительную дату кончины святого. См., напр., Житие в Минее-февраль, издание Московской Патриархии, с. 547, http://korolev.msk.ru/minea/feb/feb547.html .

[3] Реконструирована по двум источникам: Минее-февраль, издательство Московской Патриархии, и публикации на старом сайте Самарской епархии. В первом источнике, изданном в советское время, опущены прошения о сохранении “державы нашея. во Господе нашем Иисусе Христе”; во втором – сделаны самочинные правки (в частности, упоминание “Страшного Господа Саваофа” заменено на “Всеблагаго Господа”), иногда с нарушением смысла текста.

Богослужебные тексты, акафист, молитвы

АКАФИСТ ПРЕПОДОБНОМУ МАРОНУ ПУСТЫННИКУ СИРИЙСКОМУ

Избранный угодниче Христов и чудотворче, преподобне отче наш Мароне, похвальное пение приносим ти, любовию чтущии твоя подвиги и труды, ими же Богу угодил еси, от Него же и дар исцеления недугов приял еси, яко имеяй дерзновение к Подателю здравия, от всяких нас бед и болезней свободи, да зовем ти:

Радуйся, Мароне пустынниче, скорбных врачу и иноков наставниче.

Ангельский нрав имел еси, отче преподобне, и яко бесплотный, непорочное житие совершил еси на земли, дивный образ совершенства духовнаго нам оставив, да подражаем добродетелем твоим и зовем ти сице:

Радуйся, от юности Господа Единого всем сердцем возлюбивый; радуйся, вся красная мира сего нивочтоже вменивый.

Радуйся, постом и бдением молитвенным плоть твою удручивый; радуйся, непорочный сосуде Божией благодати.

Радуйся, жилище Духа Святаго, украшенное чистотою; радуйся, мужу желаний духовных.

Радуйся, главо, освященная десницею Всевышняго; радуйся, безмолвия рачителю.

Радуйся, молву суетную возненавидевый; радуйся, богомыслия высото.

Радуйся, Сирийския страны прозябение святое; радуйся, Церкви Кирския красото и похваление.

Радуйся, Мароне пустынниче, скорбных врачу и иноков наставниче.

Видя Господь душу твою яко ниву благовозделанную, к плодоносию духовному, к исканию единаго на потребу направи твой помысл, преподобне. Тем же любве ради Христовы мир оставил еси и всякаго пристрастия суетнаго свободився, притекл еси в пустыню Кирскую Сирии Евфратской на подвиги иноческия, зовый спасающему тя Богу: Аллилуйя.

Разумом богопросвещенным познал еси суету мира сего и непостоянство, в нем же радость сменяется скорбию, благополучие – нечаянными бедами. Тем же вечных благ возжелал еси, отче преподобне, и сия взыскати потщался еси отречением мирских благ и вольною нищетою, подвизая нас звати тебе:

Радуйся, пустынного безмолвия любителю; радуйся, смирения и нестяжания рачителю.

Радуйся, истиннаго самоотвержения совершенный образе; радуйся, иноческаго равноангельнаго жития всеизрядное явление.

Радуйся, правило веры и благочестия; радуйся, зерцало терпеливаго послушания.

Радуйся, слезы духовныя стяжавый; радуйся, плачем временным блаженство вечное снискавый.

Радуйся, молитвами непрестанными прилоги вражия сокрушивый; радуйся, бдением и трудами плоть твою духови покоривый.

Радуйся, постом и воздержанием страсти укротивый; радуйся, суд Божий и муки вечныя приснопамятовавый.

Радуйся, Мароне пустынниче, скорбных врачу и иноков наставниче.

Силой Всевышняго осененный и укрепленный, в иночестем пострижении власов главы твоея все плотское мудрование отложил еси, преподобне, и яко воин благоискусный, власяницу иноческую в броню спасения стяжав, и непобедимым оружием Креста Христова вооружився, крепко ратовал еси противу врага невидимаго, диавола, смирением глубоким побеждая его вознесенную гордыню и выну вопия ко Господу: Аллилуйя.

Имея помышление о совершенном отрешении от соблазнов мира сего, пришел еси в пустыню суровую сирийскую, обрел еси тамо гору высокую, на ней же древле требище идольское бяше, и Богу освятив, в нем пребывал еси, имея небо покровом и землю одром упокоения, и кожаныя ветхия ризы одеянием многотрудному твоему телу, зноем опаляему и мразом померзаему, емуже ни малого угождения попускал еси, да не возобладает плоть над духом твоим, любовию ко Господу пламеневшим. Тем же зовем ти:

Радуйся, пустыню подвиги твоими освятивый; радуйся, жестокое житие пустынное проходивый.

Радуйся, песнопениями немолчными Бога славивый; радуйся, молитвы непрестанныя Господеви возносивый.

Радуйся, постниче не изнемогаяй, былием пустынным питавыйся; радуйся, трудолюбче нелицемерный, праздность возненавидивый.

Радуйся, многошвенныя ризы носивый; радуйся, в терпении и смирении преуспевый.

Радуйся, равноангелен на земли бывый; радуйся, презревый славу человеческую.

Радуйся, сокрушивый сети фарисейского тщеславия и гордыни; радуйся, поправый высокоумия душевредную прелесть.

Радуйся, Мароне пустынниче, скорбных врачу и иноков наставниче.

Буря искушений и устремлений диавольских не возможе поколебати храмины твоея душевныя, преподобне отче, основана бо бе на твердом камени веры во Христа и хранима трезвением, трудами и молитвами непрестанными, ими же непрестанно противоборствовал еси врагу рода человеческаго на месте древнего владычества его: тем же и ныне к тихому пристанищу притекл с лики искупленных в мире, победивших же мир, вопиеши Христу: Аллилуйя.

Слышавше мнози о богоугодном житии твоем, отче Мароне, прихождаху к тебе, ови послушати поучений твоих душеполезных, ови же иночествовати с тобою в обители твоей пустынней, их же ты с отеческою любовию приемля, руководствовал еси стезею правою ко спасению, яко всем звати тебе:

Радуйся, веры истинныя правило; радуйся, кротости духовныя образе.

Радуйся, человече Божий, преподобием украшенный; радуйся, воине Христов, полки невидимых врагов победивый.

Радуйся, мира дольняго мудрый странниче; радуйся, мира горняго достойный насельниче.

Радуйся, в добродетелех благоискусный подвижниче; радуйся, сопричтенный к лику великих пустынножителей.

Радуйся, богомудрый множества сирийских иноков начальниче; радуйся, многая души человеческия Христу уневестивый.

Радуйся, мнозии монастыри руками ученик своих в сирийских пустынех учредивый; радуйся, великий авво множества отцев.

Радуйся, Мароне пустынниче, скорбных врачу и иноков наставниче.

Боготечное светило быв, всех к Солнцу Правды Христу путеводил еси, угодниче Божий, словом и примером жития твоего святаго, еже все посвящено бысть на служение Богу и ближним твоим. Темже блаженство со святыми унаследовал еси и с ними вечно поеши хвалебную песнь Спасителю Богу: Аллилуйя.

Видевше Ангельстии чинове равноангельное житие твое, отче богоблаженне, смирения твоего глубину, молитвы неотступность, воздержания твердость и велию ревность духа твоего о чистоте, удивишася и прославиша Человеколюбца Бога, укрепляющаго немощное естество человеческое. Мы же ублажаем тя и зовем:

Радуйся, светильниче пустынный, просветивый страну Сирийскую сиянием твоих добродетелей; радуйся, монашествующих дивное украшение.

Радуйся, цвете благоуханный пустыннаго прозябения; радуйся, древо благоплодное небеснаго насаждения.

Радуйся, преподобием и правдою одеянный; радуйся, союзом добродетелей удобренный.

Радуйся, помазание приемый Святаго Духа; радуйся, освященный сосуде благодати Божией.

Радуйся, рабе Христов благий и верный; радуйся, слуго Господень истинный.

Радуйся, заповеди Господни исполнивый и оным научивый учеников твоих; радуйся, великий учителю иноков пустыннолюбивых.

Радуйся, Мароне пустынниче, скорбных врачу и иноков наставниче.

Проповедник был еси евангельских добродетелей братии твоей, преподобне отче Мароне, и чада твоя духовныя верно руководил еси к вышнему Сиону, идеже есть жилище всех спасенных милосердием Христа Бога, пришедшаго в мир спасти падшее человечество и давшаго Своя спасительныя заповеди во спасение всем, иже подобно тебе, возлюбиша Его сердцем чистым и навыкоша пети Ему: Аллилуйя.

Возсияв в пустыни твоей яко богосветлое светило, отче наш Мароне, светом добрых дел твоих озарил еси души и сердца человеков, искавших от тебе наставитися во спасение: мнози бо ведяху тя равноангельна житием и прихождаху к тебе, да слышат от тебе глаголы живота вечнаго. Тебе убо, святому учителю небесныя истины, сотворшему и научившему, и мы смиреннии зовем хвалебно:

Радуйся, Евангелия Христова немолчный проповедниче, радуйся, апостольских преданий ревностный хранителю.

Радуйся, Православия святыя догматы в душе твоей добре утвердивый; радуйся, верою правою и делы благими Богу угодивый.

Радуйся, во след себе собор учеников твоих ко Христу приведый; радуйся, с ними, яко отец со чады, прияти почести небесныя от Господа возшедый.

Радуйся, не скрывый талант, тебе врученный Всевышним Домовладыкою; радуйся, куплю многу им сотворивый, спасение душ человеческих.

Радуйся, яко твоими ученьми грешнии покаянием Богу угодиша; радуйся, яко твоими наставленьми заблудшии правый путь спасения обретоша.

Радуйся, ближния твоя искренне возлюбивый; радуйся, спасению их душевному усердно послуживый.

Радуйся, Мароне пустынниче, скорбных врачу и иноков наставниче.

Хотение едино имел еси, преподобне отче, еже Богу благоугождати, и спасению душевному ближних твоих благочестно послужити, темже обитель твоя святая бысть пристанище благоутишное всякому человеку, треволнением моря житейскаго утомленному. Ты бо, яко кормчий добрый, вся ученики твоя и приходящия к тебе люди наставлял еси словом и примером твоим вдали мира и сует его, сердцем и усты немолчно возглашати Богу: Аллилуйя.

Новая звезда светозарная на тверди Церкви Христовой возсиял еси, богоблаженне отче, в пустыни в начале подвига иноческаго уединенно пребывая, в молитвах, лощениях и трудах непрестанных, еже видя Всевидец Господь, собра к тебе паству иноков пустыннолюбивых, иже хотяху жити с тобою и назидатися от тебе во спасение: и тамо среди разрушеннаго владычества древняго омрачителя языков, основал еси селение Богу Единому Истинному, обитель свою, яко крин в пустыни процветшую духовно. Темже прославляем тя сими достодолжными похвалы:

Радуйся, преподобне, святостию и чистотою светло украшенный; радуйся, богоносне, дарами божественными свыше одаренный.

Радуйся, пастырю добрый тобою собраннаго стада словесных овец; радуйся, пустыню непроходимую в вертоград духовный трудами твоими претворивый.

Радуйся, вся страхования и привидения вражия молитвами твоими посрамивый; радуйся, нищий духом, но многих богатящий.

Радуйся, постническаго лика украшение; радуйся, звездо сияющая в сонме преподобных.

Радуйся, яко тесный и прискорбный путь паче пространнаго возлюбил еси; радуйся, воздержанием вся страсти умертвивый.

Радуйся, прежде умертвия твоего мертв бывый греху; радуйся, плоть твою духови любомудренно покоривый.

Радуйся, Мароне пустынниче, скорбных врачу и иноков наставниче.

Странное и преславное чудо видится всем притекающим к тебе, отче наш Мароне, яко дивно прослави тя Господь: приял бо еси от него дар демоны прогоняти, недуги врачевати, скорбящих утешати, ожесточенныя сердца умягчати, да вси воспевают чудодействующему тобою Господу: Аллилуйя.

Все твое, преблаженне и богоносне отче, тщание и все о том бяше попечение, да выну всезлобному рода христианскаго врагу сопротивлятися и гордую его злобу попирати дивным оружием смирения, поста, безстрастия, труда, молитв непрестанных с коленопреклонением и покаянными слезами, и сими сам улучив победу на супостаты, стяжал еси от Господа дар и всем от лукаваго стужаемым помогати. Помози убо и нам, отче преподобне, твоими молитвами противитися искушениям вражиим и подражати тебе в побеждении страстей наших, да зовем ти:

Радуйся, смирением гордость душепагубную поправый; радуйся, кротостию пламень гнева в себе погасивый.

Радуйся, яко воздержанием и бдением целомудренно душу и тело твое соблюл еси; радуйся, гордыни диавольстей низложителю.

Радуйся, бесов прогонителю; радуйся, силу вражию поправый.

Радуйся, в силе Божией преспевавый; радуйся, лжи лукаваго обличителю.

Радуйся, прельщения бесовскаго посрамителю; радуйся, власть на духи нечистыя приявый.

Радуйся, яко тобою гоними, тии из одержимых ими скоро убегают; радуйся, яко бесныя, к тебе приводимии, здравии и смыслящии от тебе отходят.

Радуйся, Мароне пустынниче, скорбных врачу и иноков наставниче.

Всем приходившим к тебе, молитвы и благословения ради, преподобне отче, дивно бысть видети тя, в ветсей и многошвенней кожаней ризе ходяща и зело нищетно под древом или во дни болезни в пещере пребывающа, всех – богатых и убогих, вельмож и простых, равно с любовию принимал еси и коемуждо слово на пользу душевную изрекал еси. Смиренно молим тя и нам во дни напасти, искушения, недоумения и сомнений притекающим к тебе, возглаголи слово утешения, наставления и ободрения, да поем предстательством твоим чудодействующему нам Господу: Аллилуйя.

Ветий премудрых превзошел еси, преподобне отче, благодатным помазанием словес твоих, ими же грешныя на покаяние приводил еси, подвизающияся в добродетели укрепил еси, и всем путь спасительный ко Христу показал еси, по нему же сам неуклонно шествовал еси до блаженныя твоея кончины, достойный воистину похвал таковых:

Радуйся, Сирийския Православныя Церкве светильниче немерцающий; радуйся, и в Российстей стране яко целитель изрядный издревле чтомый.

Радуйся, во дни жития твоего на земли и язычники ублажаемый; радуйся, христианскому роду присное утешение.

Радуйся, любящим и чтущим тя ходатаю спасения душам и телесем здравия; радуйся, пустынный гражданине, грады и веси наполнивый славою твоих подвигов.

Радуйся, маслино Божия благословения, ея же плодами напиташася вернии; радуйся, приведый ко Христу ученики твоя в добродетелех преуспевшия.

Радуйся, уготовавый житием и наставленьми твоими Господеви подвижники совершенныя; радуйся, полка иноческаго воевода благоискусный.

Радуйся, пустынножителей руководителю предивный; радуйся, храму сему, имени твоему посвященному, покрове Богом данный.

Радуйся, Мароне пустынниче, скорбных врачу и иноков наставниче.

Спасти хотя многих к тебе прибегавших, не точию с тобою иночествовати хотящих, руку помощи милостивно подавал еси, но и различными мирскими делы, напастьми и скорбми отягченных и утесненных тако утешал, якоже родитель чада своя во обстоянии скорбей и болезней сущия утешает, отраду им своим попечением подавая и отеческою любовию тяжесть печалей облегчая. За таковое твое благодетельство и язычники нечестивыми чтом бысть, преподобне, вернии же, облагодетельствованнии тобою, благодарственно воспеваху Богу: Аллилуйя.

Стена заступления быша молитвы твоя, чудотворче святый, всем с верою к тебе притекающим во всякой скорби, ибо чистоты ради твоея сердечныя, сила духовная от Бога тебе даровася болящих исцеляти, бедствующим помогати, яко славити ближним и дальним величие Божие, в тебе явленное, и звати тебе сице:

Радуйся, сосуде, источаяй елей Божия милосердия; радуйся, живоносный источниче, струи исцелений изливающий нам.

Радуйся, скорый возстановителю здравия в немощи лежащих; радуйся, всех недугов, паче же болезней лютыя трясавицы и огневицы, целителю.

Радуйся, сляченных и увечных здравых сотворивый; радуйся, печальных утешителю.

Радуйся, бедствующим на помощь ускоривый; радуйся, разслабленных благосердый укрепителю.

Радуйся, безмездный врачу болезней душевных и телесных; радуйся, подателю врачеваний всем, притекающим к тебе с верою.

Радуйся, совершителю многих дивных чудес; радуйся, яко обилие благодати Божия прияти сподобился еси.

Радуйся, Мароне пустынниче, скорбных врачу и иноков наставниче.

Пение всеумиленное Пресвятей Троице принесл еси при исходе твоем, преподобне отче наш Мароне, и яко пшеница зрелая, во время пожатая, являя в краткой, но тяжкой болезни предсмертной и немощь плоти, и силу духа своего, кончиною благою преселился еси от земли в обители горния, прияти награду от руки праведного Мздовоздаятеля Христа, Иже вчини душу твою со духи святых, немолчно возглашающих пред престолом славы Его победную песнь: Аллилуйя.

Светозарный светильник Божия благодати, озаряяй Сирийскую страну, явился еси, преподобне, духовным сиянием подвигов и чудес просветивый пустыню и в ней обители иноческия многия устроивый, и сие сияние твое духовное побуди святителя церкве Кирския почтити тя, авву знаменитаго и преславнаго, благодатию священства славы ради Церкве Христовой. Аще и тужаше дух твой, ужасаяся высоты сея, но смиренное послушание явил еси святителю и священства благодать восприяти не уклонился еси, подвизая всех согласно звати тебе:

Радуйся, место, оскверненное языческими идоложертвенными приношениями, освятивый совершением безкровныя Евхаристическия жертвы; радуйся, сея Божественный литургийныя жертвы достойный совершителю.

Радуйся, Алтаря Господня благоговейный служителю; радуйся, преподобне, руце твои со многим дерзновением ко Господу воздеявый.

Радуйся, молитвы теплейшия от сердца чиста к Престолу Вседержителя возносивый; радуйся, мастию священства умащенная главо.

Радуйся, вождю благоискусный воинов духовных; радуйся, свеще в молитве к Богу возженная.

Радуйся, маслино, елей милостей Божиих источившая всесильными молитвами твоими; радуйся, чаше, жаждущих утешения и врачевания напоившая.

Радуйся, даром чудотворения облагодатствованный; радуйся, телес наших благодатное богодарованное врачевание и о душах наших благоприятное предстательство.

Радуйся, Мароне пустынниче, скорбных врачу и иноков наставниче.

Благодать, данную ти от Бога ведуще, радостно имя твое воспоминаем, преподобне отче наш Мароне, и с теплым усердием ко всечестному образу твоему притекаем, прилежно моляще чудотворения даром от Господа прославленного: подаждь цельбу всем болящим, наипаче же страждущим огневицею и трясавицею с верою к тебе прибегающим, избави и всех нас от всякия нужды и печали, да поем Богу: Аллилуйя.

Поюще славную кончину твою, стекошася ко гробу твоему иноков лицы и верных множество и со благоговением подъемше святыя мощи твоя, изнесоша я в ближнюю весь, идеже последи создан бяше велий благолепный храм во имя твое, преподобне, в нем же и положены быша многоцелебныя мощи твоя. И мы молящеся в сем храме, имени твоему посвященном, предстояще пред цельбоносным образом твоим и частию святых мощей твоих, чудесы благоухающих, прилежно молим тя: услыши нас всегда, твоего предстательства просящих за скорбных, недугующих и страждущих, к тебе вопиющих:

Радуйся, дарования чудес исцеления исполненный; радуйся, печальных отрадо.

Радуйся, немощствующих врачу; радуйся, щедрот и милования струя неизсякаемая.

Радуйся, любве и сострадания явление обильное; радуйся, телес наших богодарованное врачевание.

Радуйся, о душах наших благоприятное предстательство; радуйся, добрый наш наставниче.

Радуйся, о спасении нас грешных сильный ходатаю; радуйся, благосердый помощниче всех, благочестно совершающих память твою.

Радуйся, целителю наш скорый; радуйся, заступниче наш теплый.

Радуйся, Мароне пустынниче, скорбных врачу и иноков наставниче.

О преподобне и богоносне отче наш Мароне Чудотворче! Приими сие похвальное пение, от нас недостойных во умилении тебе приносимое и не преставай молитися за всех недугующих и скорбящих, к твоему предстательству с верою притекающих, и подавай и всем нам твоими богоприятными молитвами вся благопотребная в жизни сей и к вечному спасению полезная, и сподоби вкупе с тобою во Царствии Небесном непрестанно пети Богу: Аллилуйя.

Сей кондак глаголи трижды, паки икос 1 и кондак 1.

Молитва Преподобному Марону

О возлюбленная и священная главо, преподобне и богоносне отче наш Мароне! Назирай свыше милостивно нас грешных и молися Владыце милостивому и всещедрому всех благ Подателю Богу о соблюдении страны нашея. Буди молебник и о нас грешных! К страшному Господу Саваофу честныя своя руце в час сей простри, и от Него милость и щедроты испроси, и приими ны во свое ходатайство и заступление, от всех бед и лютых болезней сохрани, и от всяких страстей свободи, и от нестерпимыя и неутешимыя огневицы и трясавицы молитвами твоими избави нас, и от нападения бесов, от видимых и невидимых врагов соблюди, и согрешениям нашим прощение испроси, и спасенны Христу представи ны, и милостивно, в день Страшнаго Суда, с радостию предстати нам пред лицем неизреченныя славы Его сподоби, и милостивное призвание в Царство Небесное от Него услышати, и в неизреченней радости зрети преславную Его лица доброту сподоби благодатию и человеколюбием Господа Бога и Спаса нашего Иисуса Христа: яко держава Его благословенна и препрославленна со Безначальным Его Отцем и Пресвятым и Благим и Животворящим Его Духом, ныне и присно и во веки веков. Аминь.

Пресветлое житие твое, отче Мароне, Ангелы удивило есть, и бесовская шатания яве устраши. Верных же собрания светло украси. К Небесному Христову жилишу, повелевая шествовати всегда, Егоже моли от тли и бед избавитися, верою творящим всечестную память твою.

Страстей пещь, преподобне, угасил еси воздержания росою. Дарованием обогатился еси исцелений от Бога, Мароне, приял еси целити верным болезни тяжкия, и бесов отгонити полки. Сего ради с веселием почитаем тя.

ПЕРВАЯ ВСТРЕЧА НОВОГО ГОДА НА НАШЕЙ ДАЧЕ!

В предверии Рождества Христова приглашаем всех желающих собраться на нашей любимой даче. Пребывание с 29.12.2017 (вечер) по 05.01.2018 (вечер). Количеств мест ограничено. Просьба все обсудить в семейном кругу и выслать заявку по контактному телефону.

ОСЕННИЙ КОНЦЕРТ

1 ноября 2017 года в 19:00 в Христианском Творческом Клубе “Мелос” состоится концерт ансамбля старинной музыки “Le Grillion”.

10 декабря 2017 года состоится викторина, посвященная книгам великих пророков – Исайи, Иеремии, Иезекииля И Даниила. К участию приглашаются все желающие!

ПОКАЗ ФИЛЬМА

15 октября 2017 года, в воскресение, в 13:30, состоится показ фильма “Замоскворецкое купечество. Свет из сердца. Лепешкины» о купеческом роде Лепешкиных, благотворителях нашего храма, а также встреча с автором фильма Элиной Малютиной. Приглашаются все желающие!

НАБОР УЧАЩИХСЯ НА НОВЫЙ УЧЕБНЫЙ ГОД

На курсы церковного пения производится набор учащихся на 2017—2018 учебный год.

Прослушивание состоится 7 сентября, в четверг, в 18 часов.

БОЖЕСТВЕННАЯ ЛИТУРГИЯ В САДУНОВО

23 июля 2016 года, в субботу, в деревне Садуново состоится Божественная литургия.

Начало богослужения в 9.30.

ВОЗНЕСЕНИЕ НА СВЯТОЙ ЗЕМЛЕ

Паломничество наше, как и всякое доброе дело, началось с искушений. Средних и малых.

В ЗАМОСКВОРЕЧЬЕ ПРОШЛИ ПЕРВЫЕ УРОКИ ТРЕЗВОСТИ

По благословению благочинного москворецкого церковного округа протоиерея Николая Кречетова с 23 по 29 мая 2016 года при нашем храме были проведены «Уроки трезвости» .

Оценка 4.7 проголосовавших: 18
ПОДЕЛИТЬСЯ

ОСТАВЬТЕ ОТВЕТ

Please enter your comment!
Please enter your name here