Молитва святым александру и антонине

Новая статья: молитва святым александру и антонине на сайте святая-молитва.рф - во всех подробностях и деталях из множества источников, что удалось нам найти.

Молитва святым александру и антонине

(для келейного чтения)

Избрании из пределов римских, святии мученицы, за Господа Иисуса Христа много пострадавшии, воспоминающе о благоявлении святаго исповедания вашего, мы умиленно Бога хвалим: Аллилуиа.

Ангела Господь послал есть, во укрепление лествицы спасения, предвидя велие рачение ваше. Вы же Христа исповедующе, живот вечный обрели есте. О вашем спасении радующеся, отверзше сердечная уста, преоруженно глаголем:

Радуйтеся, исповедницы славнии;

радуйтеся, Бога сосуды избраннии.

Радуйтеся, дивнии мученицы;

радуйтеся, Духа Божия ученицы.

Радуйтеся, во Христе духовнии сродницы;

радуйтеся, друг друга чуднии заступницы.

Радуйтеся, живот бренный за Господа отдавшии;

радуйтеся, в животе вечнем с Богом возсиявшии.

Радуйтеся, Александре и Антонино, дивнии святии мученицы.

Видяще неколебимое стояние ваше в вере Христовою и ея проповедание подвигом пламенным, Ангели Божии цветуще стройне взывают: Аллилуиа.

Разум духовный стяжавше, безумных, непреподобных обличили есте, Истиннаго Бога прославили есте, идолов бесовских посрамивше. Каменю твердыни вашей о Бозе дивимся, крепость духовную смиренно воспеваем:

Радуйтеся, спасение испросившии;

радуйтеся, диавола Силою Божию победившии.

Радуйтеся, безумие языков обличившии;

радуйтеся, венцы небеснии получившии.

Радуйтеся, избранницы святии;

радуйтеся, мученицы блазии.

Радуйтеся, Православия поборницы;

радуйтеся, исповедания светильницы.

Радуйтеся, Александре и Антонино, дивнии святии мученицы.

Силою Божия благодати неуклонно Христа исповедали есте, мучения лютии терпевше, Богом укрепляемии, духом горевше, победу над смертию одержали есте, и ныне в Обителех Горних воспеваете: Аллилуиа.

Имущи в сердце Господа Иисуса Христа, Антонино дево, издетска благочестие сохранившая, нечестиваго Фиста, диаволеслужителя, ты не убоялася еси. Лщения бесовския отвергающи, Господа полным сердцем исповедала еси, с любовию о Нем возвещающи. Исповеданию твоему, цветоче целомудрия, дивимся и словесам твоим паки радуемся: Радуйся, веры Христовыя ревнительнице; радуйся, идолов диаволских разрушительнице. Радуйся, молитвы денныя и нощныя кадильнице; радуйся, чистоты духовныя хранительнице. Радуйся, дево благочестивая; радуйся, нечестие победившая. Радуйся, твердости духа учительнице; радуйся, Духа Святаго носительнице.

Радуйтеся, Александре и Антонино, дивнии святии мученицы.

Бурю безумия диаволскаго вы сокрушили есте, ко Господу неустанно взываше. Силу неодолимую обрели есте, с любовию огненною Христом укрепляемии. Дивен Господь во святих Своих: Аллилуиа.

Слышаще глас ангельский, доблести честная похвало, воине святый Александре, Господа всею душею прием, неусомненно пошел еси ты по стези исповедания. Ведаяй Христос доброту души твоея, избрал есть тебя на служение, с верою Господне благословение до конца ты исполнил еси, сподобив нас глаголати таковая: Радуйся, воине смиренный; радуйся, во Христе укрепленный. Радуйся, Ангела на земли собеседниче; радуйся, стойкости духовныя в подвизе своем проповедниче. Радуйся, глаголов ангельских исполнителю; радуйся, послушания смиренный учителю. Радуйся, целомудрия ограждение; радуйся, Церкви Святыя украшение.

Радуйтеся, Александре и Антонино, дивнии святии мученицы.

Боготечною звездою подвиг ваш в земли римской просиял есть, Господу Иисусу Христу в прославление, демонству языков в посрамление. Зряще красоту победы сия, Бога ублажаем: Аллилуиа.

Видевый Фист, игемон неистовый, чистоту твою, Антонино, на поругание людем своим предал тя в злобе бесовстей, но Господь сохранил есть девство твое, диавола отвратив, душу невинную в руцы прием, ю принесл есть в Чертози Блаженнии. Сему чуду мы, из сердца радующеся, устнами песенне возглаголем: Радуйся, небесная послушнице; радуйся, Христа Бога нашего слушательнице. Радуйся, Евангелия исполнительнице; радуйся, Господа Иисуса Христа на земли зрительнице. Радуйся, мучения крепко претерпевшая; радуйся, Христу при оных певшая. Радуйся, Христом направляемая на спасение; радуйся, светильнице терпения.

Радуйтеся, Александре и Антонино, дивнии святии мученицы.

Проповедницы Христовы, мучений не убоясте, веру истинную исповедали есте, в сердце непрестанно глаголюще: Алиллуиа.

Возсиял еси воин Христов, бремя идолов низложив, Ангелем званый, небесных речений вкусивый, очи с предвыспренней на Небеси устремил еси, мучений жестоковыйных не чуя. Влекомый Божию благодатию, молчанием загради уста своя, душею молитву преискренне воспевая. Спасению твоему, мучениче святый Александре, о Бозе радуемся и хвально поем тебе сицевая: Радуйся, светлый воине земный; радуйся, святый воине небесный. Радуйся, веры истинныя приятелю; радуйся, спасения достойный получателю. Радуйся, христианом защитниче; радуйся, неустанный на Небесех молитвенниче. Радуйся, неправды обличителю; радуйся, правоверных попечителю.

Радуйтеся, Александре и Антонино, дивнии святии мученицы.

Восхотел еси, Господи, праведных спасти, души юныя к Себе призвал еси, рабем Своим урок исповедания православныя веры являяй. Мученицы младии веру Христову не поругаша, бреннаго тела не пожалевше, на земли отверзли суть Раиския двери, дабы Господу непрестанно пети: Алиллуиа.

Новая имена возвел еси, Господи, на Небеси святих мучеников Александра и Антонины, на заре православней за Тя премного пострадавших, в болезнех тяжких убиенных, но Тобою навечно в Небеснем Царствии спасенных. О сем сквозе многая веки ныне воспеваем таковая:

Радуйтеся, страдания терпевшии;

радуйтеся в них ко Христу горевшии.

Радуйтеся, юности не пожалевшии;

радуйтеся, идолов лукавых одолевшии.

Радуйтеся, вернии Христовы Агнцы;

радуйтеся, стяжавшии небеснии венцы.

Радуйтеся, христианом верным утешение;

радуйтеся, Православия утверждение;

Радуйтеся, Александре и Антонино, дивнии святии мученицы.

Странное чудо явил еси, Господи, вещая гласом Своим, на подвизи мучеников укрепляяй, и Сам на землю снизшел еси, пред святей Антониной девой предста, ея же на спасение с любовию благославляяй. Слава Тебе, Иисусе Премилостивый: Аллилуиа.

Вси Безплотныя Силы с замиранием созерцают глубину подвига вашего, егда приясте вы мучения тяжкия: руцы ваши ссекоми быша безумцы нечестивыми, невинная телеса огнем жегоми неистовым, во свидетельство Истины Христовыя, благодатию души ваши неизреченною Небесною прохладою внутрьуду палившею, пытки огненныя охладившею, боль телесную обратившею в духовное здравие. Сему чуду мы умиленно дивимся и радостно воспеваем:

Радуйтеся, мучений не убоявшии;

радуйтеся, за веру с любовию пострадавшии.

Радуйтеся, благодатию Божией палимии;

радуйтеся, Духом Божиим хранимии.

Радуйтеся, телес младих не пожалевшии;

радуйтеся, Христа на земли духом зревшии.

Радуйтеся, Христом в подвизе соединеннии;

радуйтеся, в единстве сем спасеннии.

Радуйтеся, Александре и Антонино, дивнии святии мученицы.

Всякая мучения претерпевше, от Господа Иисуса Христа не отреклися есте, Ангели Божии свидетелми твердости духа вашего быша. Мы же, грехом пораженнии, о подвизе вашем воспоминающе, к Богу нашему всехвально взываем: Аллилуиа.

Ветии многовещании, яко рыбы безгласныя умрут в оскудении словеснем, не имуще глаголов велиих, дабы красоту спасения вашего описати. И мы, токмо крупицу нищия разумеюще, смиренно с велицею радостию глаголем сицевая:

Радуйтеся, подвижницы неизреченнии;

радуйтеся, диаволом не уязвленнии.

Радуйтеся, плоть бренную поборовшии;

радуйтеся, в благодати Божией возросшии.

Радуйтеся, страстей телесных усмирители;

радуйтеся, диавола злаго победители.

Радуйтеся, молитвы неустанное пение;

радуйтеся, мучеников святых украшение.

Радуйтеся, Александре и Антонино, дивнии святии мученицы.

Спасти хотяще души своя, на мучения отдасте чресла свои, с верою страдания претерпевше, на лоно Авраамле победно введени быша. И наши души христианския сами спасаете ныне, к Богу одесную припадающе и ангельски вопиюще Ему: Аллилуиа.

Стена есть святая молитва ваша, христианом в волнах мiрских обуреваемым, и повдиг ваш блазий – пример веры истинныя. Во исповедании Христовом нас укрепите, Господа Иисуса Христа умолите о спасении нас, грешных, пред вами с надеждою предстоящих и сокрушенно хвалящих святое заступление ваше:

Радуйтеся, молитвенницы неугасимии;

радуйтеся, заступницы, неустрашимии.

Радуйтеся, веры истинныя стяжатели;

радуйтеся, правил крепости духовныя показатели.

Радуйтеся, Христом на Небесех пасомии;

радуйтеся, на земли пастыри незримии.

Радуйтеся, сподвижницы чудеснии;

радуйтеся, помощницы небеснии.

Радуйтеся, Алекснадре и Антонино, дивнии святии мученицы.

Песнь духовную о вашей победе возносим, яко вы во мраце идолском не утопасте, Свет Превечный прияли есте, Ему же словеса благодарения воспевающе: Аллилуиа.

Светозарная свеще вы есте на пути спасения нам, слепым в мире сем, во гресех пребывающим, но на милосердие Божие уповающим и с победою в гласе своем возвещающим о спасении вашем:

Радуйтеся, наши духовнии покровители;

радуйтеся, душ смиренных благоукрасители.

Радуйтеся, звезды духовнии яркии;

радуйтеся, молитвенницы жаркии.

Радуйтеся, со Ангели купно воспеватели;

радуйтеся, припадающим к вам спасению научатели.

Радуйтеся, Господа Иисуса Христа благовестители;

радуйтеся, спасения нашего неусыпные просители.

Радуйтеся, Александре и Антонино, дивнии святии мученицы.

Благодать заступничество ваше незримо дарует, яко вы внемлите просящим спасения и непрестанно Богу о рабех Его молите. Помолитеся и о нас, грешных, чрез образа ваши, на вас смиренно взирающих и слезно Богу вопиющих: Аллилуиа.

Поюще страдание ваше, Силою Духа наполняемся, видяще победу вашу, устнами радостно изливаемся. Яко мед сладкий, слава ваша в молитве течет и глаголы цветочные преискренне дарует:

Радуйтеся, любве безбрежный океане;

радуйтеся, бесовом лютым изгнание.

Радуйтеся, страждущим утешение;

радуйтеся, плачущим смирение.

Радуйтеся, алчущих накормители;

радуйтеся, жаждущих напоители.

Радуйтеся, малодушных укрепление;

радуйтеся, немощных защищение.

Радуйтеся, Александре и Антонино, дивнии святии мученицы.

О святии исповедницы Христовы Александре и Антонино, не оставите нас, грешных, в бедах и скорбех житейских сущих, но молитвами своими нас от сетей диаволских оградите, подвигом своим очи наши духовнии просветите, и на путь неблазнненаго и крепкаго исповедания веры православныя, нас грешных, наставите. Мы же о вас Господа нашего Иисуса Христа, от нищеты духовныя, богатно славим: Аллилуиа.

Сей кондак глаголи трижды

Ангела Господь послал есть, во укрепление лествицы спасения, предвидя велие рачение ваше. Вы же Христа исповедующе, живот вечный обрели есте. О вашем спасении радующеся, отверзше сердечная уста, преоруженно глаголем:

Радуйтеся, исповедницы славнии;

радуйтеся, Бога сосуды избраннии.

Радуйтеся, дивнии мученицы;

радуйтеся, Духа Божия ученицы.

Радуйтеся, во Христе духовнии сродницы;

радуйтеся, друг друга чуднии заступницы.

Радуйтеся, живот бренный за Господа отдавшии;

радуйтеся, в животе вечнем с Богом возсиявшии.

Радуйтеся, Александре и Антонино, дивнии святии мученицы.

Избрании из пределов римских, святии мученицы, за Господа Иисуса Христа много пострадавшии, воспоминающе о благоявлении святаго исповедания вашего, мы умиленно Бога хвалим: Аллилуиа. Молитва О святии мученицы Христовы, Александре и Антонино, не оставите нас во спасении нашем, в вере Христовой нас укрепите, Евангелию святому научите, на дела правыя наставите. Исповедание Христа Бога нашего животом нашим соделайте, не позволите врагом диаволским свернуть нас с твердыни веры истинныя, лщения бесовския обличайте, по пути спасения нас, грешных, направите. Помолитеся за Церковь русскую, от лжеучений темных ю оградите, святых русских исповедников во спасение стада Христова явите. Монахов, пастырей, мирских единым духом соборным, во исповедании веры истинныя, соедините. Непрестанно о нас грешных, немощных, малодушных у Господа милости просите, Ему же и славу возсылаем со Отцем и Святым Духом во веки веков. Аминь.

Святии мученицы Александре и Антонино! Призрите с небеснаго чертога на требующих вашей помощи и не отвергните прошений наших; но яко приснии благодетели и ходатаи наши, молите Христа Бога, да человеколюбив и многомилостив сый, сохранит нас от всякаго лютаго обстояния: от труса, потопа, огня, меча, нашествия иноплеменников и междоусобныя брани. Да не осудит нас грешных по беззакониям нашим, и да не во зло обратим благая, даруемая нам от всещедраго Бога, но во славу святаго имени Его и в прославление крепкаго вашего заступления. Да молитвами вашими даст нам Господь мир помыслов, воздержание от пагубных страстей и от всякия скверны; и да укрепит во всем мире Свою едину Святую, Соборную и Апостольскую Церковь, юже стяжал есть честною Своею кровию. Молитеся прилежно, святии мученицы, да утвердит Христос Бог во Святей Своей Православной Церкви живый дух правыя веры и благочестия; да вси члены ея, чистии от суемудрия и суеверия, духом и истиною покланяются Ему и усердно пекутся о соблюдении Его заповедей; да мы вси в мире и благочестии поживем в настоящем веце и достигнем блаженныя вечныя жизни на небеси, благодатию Господа нашего Иисуса Христа, Емуже подобает всякая слава, честь и держава со Отцем и Святым Духом, ныне и присно и во веки веков. Аминь.

Мученицы Твои, Господи,/ во страданиих своих венцы прияша нетленныя от Тебе, Бога нашего:/ имуще бо крепость Твою,/ мучителей низложиша,/ сокрушиша и демонов немощныя дерзости./ Тех молитвами спаси души наша.

Ин тропарь, глас 1

Болезньми святых, имиже о Тебе пострадаша,/ умолен буди, Господи,/ и вся наша болезни исцели, Человеколюбче, молимся.

Светильницы светлии явльшеся,/ Божественнии мученицы,/ тварь всю светлостию чудес озаряете,/ недуги разрешающе,/ и глубокую тьму всегда отгоняюще, Христу Богу молящеся непрестанно о всех нас.

Величаем вас, / страстотерпцы святии, / и чтим честная страдания ваша, / яже за Христа претерпели есте.

Агница Твоя, Иисусе, Антонина,/ зовет велиим гласом:/ Тебе, Женише мой, люблю,/ и Тебе ищущи страдальчествую,/ и сраспинаюся и спогребаюся крещению Твоему,/ и стражду Тебе ради,/ яко да царствую в Тебе, и умираю за Тя,/ да и живу с Тобою,/ но яко жертву непорочную приими мя с любовию пожершуюся Тебе./ Тоя молитвами, яко милостив, спаси души наша. Кондак, глас 2

Храм Твой всечестный,/ яко цельбу душевную обретше вси вернии,/ велегласно вопием ти,/ дево мученице Антонино, великоименитая: Христа Бога моли непрестанноо всех нас.

Величаем тя, / страстотерпица Христова Антонино, / и чтим честное страдание твое, / яже за Христа претерпела еси.

Мученик Твой, Господи, Александр,/ во страдании своем венец прият нетленный от Тебе, Бога нашего:/ имеяй бо крепость Твою,/ мучителей низложи,/ сокруши и демонов немощныя дерзости./ Того молитвами спаси души наша.

Звезда светлая явился еси,/ непрелестная мирови,/ солнца Христа возвещающи,/ зарями твоими страстотерпче Александре,/ и прелесть погасил еси всю:/ нам же подаеши свет, моляся непрестанно о всех нас.

Величаем тя, / страстотерпче святый Александре, / и чтим честная страдания твоя, / яже за Христа претерпел еси.

Источник: Храм во имя святых мучеников Александра и Антонины Римских в Селище (г. Кострома)

Костромская епархия, Русская Православная Церковь

По благословению епископа Костромского и Галичского Ферапонта

Антонина Никейская, мученица.Мученики Александр воин и Антонина дева

Мученики Александр воин и Антонина дева

Свя­тая Ан­то­ни­на про­ис­хо­ди­ла из го­ро­да Кро­дам­на (Ма­лая Азия). Как хри­сти­ан­ку ее при­ве­ли к пра­ви­те­лю Фисту, ко­то­рый уго­ва­ри­вал ее по­кло­нить­ся язы­че­ским бо­гам, обе­щая дать по­чет­ное зва­ние жри­цы бо­ги­ни Ар­те­ми­ды, но свя­тая му­же­ствен­но ис­по­ве­да­ла Хри­ста и убеж­да­ла пра­ви­те­ля от­ка­зать­ся от по­кло­не­ния бе­сам в об­ра­зе идо­лов. Фист при­ка­зал бить свя­тую по ли­цу и за­клю­чить в тем­ни­цу. Му­че­ни­ца все вре­мя пре­бы­ва­ла в мо­лит­ве, ни­че­го не пи­ла и не ела, но од­на­жды услы­ша­ла глас Бо­жий: «Ан­то­ни­на, под­кре­пись пи­щей и будь му­же­ствен­на, Я с то­бой». Ко­гда ее вновь при­ве­ли к пра­ви­те­лю, му­че­ни­ца про­дол­жа­ла твер­до сто­ять за хри­сти­ан­скую ве­ру и об­ли­чать языч­ни­ков. Пра­ви­тель ре­шил от­дать свя­тую де­ву на по­ру­га­ние во­и­нам, но Гос­подь вну­шил од­но­му из них, свя­то­му Алек­сан­дру, спа­сти му­че­ни­цу. Он ис­про­сил раз­ре­ше­ние вой­ти к де­ве, чтобы скло­нить ее ис­пол­нить во­лю пра­ви­те­ля. Свя­той Алек­сандр пред­ло­жил му­че­ни­це на­деть его одеж­ду и бе­жать. Свя­тая Ан­то­ни­на устра­ши­лась, но Гос­подь по­ве­лел ей со­гла­сить­ся. На­дев плащ во­и­на, она, ни­кем не узнан­ная, вы­шла из сво­е­го за­клю­че­ния. По­слан­ные Фистом во­и­ны на­шли свя­то­го Алек­сандра од­но­го. На во­про­сы пра­ви­те­ля он не от­ве­чал ни сло­ва, был пре­дан ис­тя­за­ни­ям и бес­по­щад­но из­бит. По вну­ше­нию Гос­по­да Иису­са Хри­ста свя­тая Ан­то­ни­на то­же пред­ста­ла пе­ред Фистом. Им обо­им от­сек­ли ру­ки, за­тем об­ма­за­ли смо­лой и бро­си­ли в яму, где пы­лал огонь. Ко­гда огонь по­тух, яму за­сы­па­ли зем­лей, чтобы хри­сти­ане не мог­ли со­брать да­же ко­стей му­че­ни­ков. Воз­вра­тив­шись до­мой, Фист оне­мел, не смог пить, ни есть, и по­сле се­ми­днев­ных тяж­ких му­че­ний умер. Свя­тые му­че­ни­ки Алек­сандр и Ан­то­ни­на скон­ча­лись 3 мая 313 го­да. В Про­ло­гах их па­мять по­ме­ща­ет­ся под 10 июня. Мо­щи свя­тых бы­ли пе­ре­не­се­ны в Кон­стан­ти­но­поль и по­ло­же­ны в Мак­си­мо­вом мо­на­сты­ре.

Дни празднования в 2017 году:

•Вторник, 14 Марта

•Понедельник, 26 Июня

Святая мученица Христова Антонина пострадала в городе Никее, в царствование Диоклетиана и Максимиана. Так как она веровала во Христа, то Максимиану донесли на нее, что она – христианка. Приведенная в Никею и представ перед императором, она безбоязненно исповедала свою веру. Чтобы принудить ее отречься от Христа и принести жертву идолам, ее подвергли жестоким мучениям, но она не покорилась желанию мучителей и была заключена в темницу. Вскоре после сего Максимиан повелел вывести ее из темницы и стал снова принуждать ее к отречению от Христа, но и на этот раз она не послушалась императора. Тогда Максимиан приказал повесить ее и строгать по ребрам. Среди мучений святая Антонина все время обличала заблуждение императора и проповедовала о Христе. Видя это, Максимиан велел палачам снять с нее одежду и бить ее по голому телу. Но когда палачи хотели исполнить повеление императора, явились ангелы и, охраняя святую мученицу, подвергли мучениям самих мучителей. После сего святую положили на раскаленный железный одр, но она осталась невредимою. Тогда ее в мешке бросили в Никейское озеро.

Город Никея находился в малоазийской области Вифинии, лежавшей в северной части Малой Азии по берегам Мраморного и Черного морей. Известен в истории тем, что в нем происходили I и VII Вселенские Соборы.

   В 284 г. Римская империя разделилась на восточную, которою правил Диоклетиан, и западную, с 285 г. находившуюся под властью августа Максимиана Геркула. Но здесь надо разуметь не Максимиана Геркула, а Максимиана Галерия, бывшего соправителем Диоклетиана на востоке, зятя и впоследствии преемника его (306–311 гг.). Хотя открытое гонение на христиан началось с 303 г., но еще за несколько лет до этого Галерий преследовал христиан частным образом.

Молитва Антонине Никейской

Моли Бога о мне, святая угодница Божия Антонина, яко аз усердно к тебе прибегаю, скорой помощнице и молитвеннице о душе моей.

Оценка 4.7 проголосовавших: 18
ПОДЕЛИТЬСЯ

ОСТАВЬТЕ ОТВЕТ

Please enter your comment!
Please enter your name here